Əbu Bəkr və Ömərin Fatiməyə (sa) elçiliyi
Əvvəlcə bu mövzuda olan əhli-xilaf hədislərinə nəzər salaq:
Əbu Bəkr Fatimə (s.a) üçün elçilik etdi, Rəsulullah (s.a.a) ondan üz çevirdi. Sonra Ömər Fatimə (s.a) üçün elçilik etdi, Rəsulullah (s.a.a) ondan da üz çevirdi. Sonra Əli (ə) Fatimə (s.a) üçün elçilik etdi, Rəsulullah (s.a.a) bilafasilə onları evləndirdi.
"Səvaiuqul-muhriqə", İbni Həcər Heysəmi, cild 2, səh. 471
Əbu Bəkr və Ömər Fatiməyə (sa) elçilik etdilər, Peyğəmbər (sallallahu aleyhi və alih) buyurdu: Fatimə (sa) balacadır, sonra Əli əleyhissalam elçilik etdi, Peyğəmbər (s.a.a) onu Əli əleyhissalam ilə nikahladı.
"Xəsais", Nisai, cild 1, səh. 136
"Səhih", İbni Hibban, cild 15, səh. 399
"Mustədrək aləs-səhiheyn", Hakim Nişapuri, cild 2, səh. 181
Ömər Əbu Bəkrin yanına qayıdıb dedi: O bu işdə Allahın əmrinin intizarındadır. Gəl Əliyə (ə) deyək o da bizim kimi elçilik etsin.
"Səhih", İbni Hibban, cild 15, səh. 394
Əbu Bəkr və Ömər Fatimə (sa) üçün elçilik etdi. Rəsulullah (sallallahu aleyhi və alih) dedi: "O sənin üçündür, ya Əli (ə)."
"Mucəmul-Kəbir", Təbərani, cild 4, səh. 34
Rəsulullah (s.a.a): "Fatiməni (sa) ilə Əli (ə) mən evləndirmədim, Allah evləndirdi!"
"Tarix Mədinətul Diməşq", İbni Əsakir, cild 42, səh. 126
Rəsulullah (s.a.a): "Həqiqətən, Allah mənə əmr etdi ki, Fatiməni (s.a) Əli (ə) ilə evləndirim."
"Məcməuz-zəvaid", Heysəmi, cild 9, səh. 204
"Həqiqətən, Allah mənə əmr etdi ki, Fatiməni (sa) Əli (ə) ilə evləndirim və bunu etdim."
"Mucəmul-kəbir", Təbərani, cild 16, səh. 260
Peyğəmbər (s.a.a) Fatiməni (sa) Əli (ə) ilə evləndirəndə Fatimə (sa) soruşdu: Ya Rəsulullah, məni fəqir bir kişi ilə evləndirirsən ki, heç nəyi yoxdur? Peyğəmbər (s.a.a) buyurdu: Razı deyilsənmi ki, həqiqətən Allah yer əhlindən iki kişini seçdi, biri atandır, digəri isə ərindir?
(Təbii ki, şiə mənbələrində Həzrəti Fatimənin (sa) bu evliliyə razılığı sabit olmuşdur, bu hədisi müxaliflərə dəlil üçün gətiririk, bizə höccət deyil)
"Camiul-əhadis", Suyuti, cild 16, səh. 236
"Kənzul-ümmal", Müttəqi Hindi, cild 13, səh. 108
"Dinini və əxlaqını bəyəndiyiniz bir kimsə sizə elçi olaraq gələrsə qızınızı onunla nikahlayın. Belə etməsəniz, yer üzündə fitnə və pozğunluq baş verər."
"Sünən", Tirmizi, Kitabun Nikah, 3-cü bab.
Bu mövzuda hədislər çoxdur, lakin elə bu hədislərdən çıxan nəticələrə baxaq:
1. Dini və əxlaqı yerində olan şəxsə qız verin deyən Peyğəmbər (s.a.a), o iki nəfərdə nə gördü ki onlara qız vermədi?
2. Hədislərə görə bu evlilikdə heç Peyğəmbər də söz sahibi deyildi və birbaşa Allahın əmrini icra elədi.
3. Rəsulullah (s.a.a) o ikisinə yaşı bəhanə gətirdi, yoxsa aydındır ki, ilahi əmri gözləyirdi. Bunu özləri də başa düşmüşdü. Yaşın kiçik olmağına qalsa Aişə də çox kiçik idi Rəsulullahdan (s.a.a)
4. Allah yer üzündə ikicə nəfəri seçibsə, Rəsulullahdan (s.a.a) sonra ən fəzilətli şəxs Əli əleyhissalamdır. Nəyə görə ən fəzilətli şəxsi qoyub başqalarına üz tutdular?
5. Allah seçdiyi şəxs xəlifə olmalıdır ya insanların?
Digər tərəfdən, buna oxşar hadisələr sonralar da baş verib:
Peyğəmbər (s.a.a) bayrağı Əbu Bəkr və Ömərə verir, onlar məğlub olub geri qayıdır, sonra isə Əli əleyhissalama verəndə deyir: Sabah bayrağı elə bir şəxsə verəcəyəm ki, Allah ondan razıdır, o da Allahdan....
Bəraət surəsi nazil olanda əvvəlcə Əbu Bəkri yollayır, sonra da Allahın əmri ilə Əli əleyhissalamı yollayıb onun əlindən aldırır və iş Əliyə (ə) tapşırılır və s.
Bütün bunlar açıq-aşkar Əli əleyhissalamın üstünlüyünü göstərmək üçün idi ki, insanlara höccət tamam olsun. Təəssübdən uzaq olan şəxslər üçün elə bunlar da kifayətdir.